बीड जिल्ह्यातील केज तालुक्यातील मस्साजोग ग्रामपंचायतीच्या सरपंचपदाच्या पोटनिवडणुकीचा निकाल बुधवारी जाहीर झाला. अत्यंत चुरशीच्या ठरलेल्या या लढतीत स्वरूपानंद देशमुख यांनी विजय मिळवत सरपंचपद पटकावले. त्यांनी massajog दिवंगत सरपंच संतोष देशमुख यांच्या पत्नी अश्विनी देशमुख यांचा 92 मतांच्या फरकाने पराभव केला.
ही निवडणूक जिल्ह्यात विशेष चर्चेचा विषय ठरली होती. मस्साजोगचे तत्कालीन सरपंच संतोष देशमुख यांची डिसेंबर 2024 मध्ये हत्या झाल्यानंतर हे पद रिक्त झाले होते. या पार्श्वभूमीवर सहानुभूतीची लाट लक्षात घेता निवडणूक बिनविरोध व्हावी, अशी मागणी काही ग्रामस्थ व देशमुख कुटुंबीयांकडून करण्यात आली होती. त्यानुसार अश्विनी देशमुख यांनी उमेदवारी अर्ज दाखल केला होता.
massajog | भावनिक लाटेला धक्का!
मात्र, स्वरूपानंद देशमुख यांनी अर्ज मागे घेण्यास नकार दिल्याने थेट लढत रंगली. दोन्ही गटांनी जोरदार प्रचार केल्यामुळे निवडणूक अटीतटीची ठरली.
या निवडणुकीसाठी 7 एप्रिलपासून अर्ज प्रक्रिया सुरू झाली होती. 28 एप्रिल रोजी मतदान पार पडले, तर 29 एप्रिल रोजी मतमोजणी करण्यात आली. अखेरीस स्वरूपानंद देशमुख यांनी 92 मतांनी विजय मिळवत सरपंचपदावर आपली छाप उमटवली.